Наши контакты:
Адрес: г. Брест, ул. Янки Купалы, 20/1
Индекс: 224020
Тел./Факс: 8 (0162) 46-17-87
Тел.: 8 (0162) 46-09-92
E-mail: boiro@brest-region.edu.by
Cхема проезда
Закрыть [X]


Главная | Сервис | Архив новостей


Архив новостей

06.03.2017
Сучаснае развіццёвае асяроддзе – аснова гульнявой дзейнасці дашкольнікаў


У 2014 годзе ў яслях-садах №№ 4, 5 і 6 Івацэвіч пачалася рэалізацыя праекта “Апрабацыя мадэлі педагагічнага суправаджэння гульнявой дзейнасці дашкольнікаў”. Актуальнасць тэмы была абумоўлена не толькі значнасцю гульні ў развіцці дзяцей і вынікамі вывучэння ўзроўню іх гульнявой дзейнасці, але найперш праблемамі ў яе арганізацыі і недастатковымі ўменнямі педагогаў ствараць гульнявое асяроддзе, адпаведнае патрэбам сучасных дашкольнікаў.

- Удзельнікамі праекта сталі творчыя педагогі з вышэйшай і першай кваліфікацыйнай катэгорыяй, якія павінны былі апрабаваць мадэль педагагічнага суправаджэння сюжэтна-ролевых гульняў дашкольнікаў, выявіць яе эфектыўнасць і выніковасць, а таксама распрацаваць метадычныя рэкамендацыі па выкарыстанні гэтай мадэлі ў дашкольных установах, - расказвае А.І.Навумчык. – У рамках работы над праектам педагогі ўдасканальвалі сваю кампетэнтнасць і тэхналогіі кіраўніцтва гульнявой дзейнасцю дзяцей, стваралі развіццёвае прадметна-гульнявое асяроддзе ў эксперыментальных групах, абагачалі самастойны вопыт дашкольнікаў за кошт узаемасувязі і ўзаемадапаўняльнасці розных відаў дзейнасці. У выніку рэалізацыі эксперыментальнага праекта аснашчанасць установы гульнявым абсталяваннем павялічылася з 67% да 85 %.

Па словах А.І.Навумчык, развіццёвае асяроддзе стваралася ў адпаведнасці з сучаснымі патрабаваннямі да арганізацыі гульнявой дзейнасці. Удзельнікі праекта звярталі ўвагу на педагагічную мэтазгоднасць цацак і абсталявання, іх адпаведнасць задачам рознабаковага развіцця дзяцей, псіхічную і фізічную бяспеку гульнявых матэрыялаў. Развіццёвае асяроддзе павінна было быць аптымальна насычаным, цэласным, шматфункцыянальным і трансфармаваным. Абавязкова ўлічваліся ўзроставыя магчымасці дзяцей, асаблівасці іх псіхічнага, сацыяльнага і фізічнага развіцця, а таксама поларолевая спецыфіка.

- Эфектыўнасць педагагічнага суправаджэння сюжэтна-ролевых гульняў пры вырашэнні задач вучэбнай праграмы дашкольнай адукацыі праяўлялася ва ўменні педагогаў абагачаць гульнявое асяроддзе ў адпаведнасці з сучаснымі патрабаваннямі, назіраць і аналізаваць дынаміку гульнявой дзейнасці дзяцей, праектаваць развіццё сюжэту гульні на аснове вырашэння адукацыйных задач, абагульняць гульнявыя дзеянні дашкольнікаў і абмяркоўваць з імі развіццё гульні, - адзначае А.І.Навумчык. – Педагогі распрацавалі карткі-схемы развіцця сюжэтна-ролевых гульняў дзяцей, прыкладныя мадэлі гульнявога дня, дзе сюжэтна-ролевая гульня праходзіла праз усе рэжымныя моманты, заняткі і іншыя віды дзейнасці, вывучылі тэарэтычныя і практычныя крыніцы інфармацыі, прыёмы кіраўніцтва і суправаджэння гульнявой дзейнасці, а таксама прыёмы згуртавання дзяцей у гульнявыя калектывы. Акрамя таго, педагогі правялі назіранне, тэсціраванне і падрабязную дыягностыку гульнявых інтарэсаў дзяцей, распрацавалі адпаведныя праблемныя сітуацыі, задачы, забаўлянкі і інсцэніроўкі, падабралі мастацкую літаратуру і дыдактычныя гульні для арганізацыі цэласнага гульнявога дня.

Па словах А.І.Навумчык, практыка паказвае, што абагачэнне ўяўленняў дзяцей аб навакольнай рэчаіснасці (наведванне музея і бібліятэкі, прагулкі на прыроду, экскурсіі на будоўлю і ў банк, назіранні, гутаркі і абмеркаванні) садзейнічае развіццю сюжэтна-ролевых гульняў. Інфармацыя пра людзей, падзеі і прафесіі, якая зацікавіла дзіця, з’яўляецца рухальнай сілай у развіцці новага сюжэтнага зместу гульні. Задача педагогаў – дапамагчы дзіцяці перанесці атрыманыя ўражанні ў новы сюжэт гульні. Так у групах з’явіліся новыя гульні: “Медыцынскі цэнтр”, “Салон прыгажосці”, “Банк”, “Турыстычнае агенцтва” і “Аўтасалон”.

- Пры арганізацыі гэтых гульняў вырашаецца важная задача, - заўважае А.І.Навумчык. – Дзеці знаёмяцца з прафесіямі дарослых, вучацца паважлівым адносінам да працы. Так, падчас сюжэтна-ролевай гульні “Турыстычнае агенцтва” дашкольнікі пазнаёміліся з прафесіямі дырэктара фірмы, менеджара па турызме, кур’ера, касіра і інш. У групе працавала майстэрня па стварэнні атрыбутаў да гэтай гульні. Дзеці малявалі буклеты розных гарадоў, даведнікі, карты, білеты, пуцёўкі ў краіны, пашпарты і г.д. У выніку работы ў групе быў аформлены турыстычна-краязнаўчы цэнтр з усімі неабходнымі матэрыяламі: глобусам, картамі, схемамі, буклетамі і даведнікамі. Трэба адзначыць, што перад арганізацыяй гульні “Турыстычнае агенцтва” абыгрываліся асобныя сюжэты: “Сувенірная лаўка”, “У гасцініцы”, “Кафэ “Хвілінка” і інш.

Па словах А.І.Навумчык, гульнявая прастора з’яўляецца галоўным стымулам, які пабуджае дзяцей да актыўнай дзейнасці. Разам з тым унясенне ў асяроддзе новых акцэнтаў дадаткова матывуе да рознай дзейнасці і адначасова дазваляе праявіць індывідуальнасць дзяцей.

- Вынікі маніторынгу дзяцей з эксперыментальных груп паказалі станоўчую дынаміку ў развіцці гульнявой дзейнасці, - гаворыць А.І.Навумчык. – Дзеці сталі больш самастойнымі, пазнавальна і творча актыўнымі ва ўмовах (не)рэгламентаванай дзейнасці. Педагогі выпрацавалі шэраг прапаноў па выкарыстанні вынікаў эксперыментальнай работы. Так, у далейшым пры арганізацыі гульнявой дзейнасці варта аб’ядноўваць рэгламентаваную і нерэгламентаваную дзейнасць, інтэграваць у спецыяльнай арганізаванай дзейнасці адукацыйныя галіны, выкарыстоўваць варыятыўную арганізацыю гульнявой прасторы, арганізоўваць гульнявую прастору для правядзення сюжэтна-ролевых гульняў на прагулцы, аптымізаваць узаемадзеянне педагогаў, дзяцей і іх бацькоў у сюжэтна-ролевых гульнях.

Апрабацыя мадэлі педагагічнага суправаджэння гульнявой дзейнасці дашкольнікаў паспяхова завяршылася. Рэалізацыя праекта дазволіла арганізаваць работу на праблемна-дыягнастычнай аснове, распрацаваць метадычныя рэкамендацыі па выкарыстанні ў масавай адукацыйнай практыцы вынікаў эксперыментальнай дзейнасці, адлюстраваных у практычным дапаможніку.

Сяргей ГРЫШКЕВІЧ.


Image1
 
 
 

Конкурсы


"Бобёр-2016"

 

IT-Граница

 

Последние изменения

[13.06.17] Обновлен раздел "Дошкольное образование"


[29.05.17] Обновлен раздел "Воспитательная работа"

[03.05.17] Обновлен раздел "Дошкольное образование"

Новости

18.09.2017
Удасканальваць падрыхтоўку кадраў ва ўмовах інавацыйнага развіцця рэгіёна

- У сучасных умовах сістэма прафесійнай адукацыі становіцца важным звяном развіцця эканомікі і вытворчасці, закліканым вырашаць задачы апераджальнай падрыхтоўкі высокакваліфікаваных кадраў, - гаворыць начальнік аддзела агульнай сярэдняй і прафесійнай адукацыі ўпраўлення адукацыі Брэсцкага аблвыканкама В.А.Шапавал. – Сёння для сацыяльна-эканамічнага развіцця Брэстчыны з’яўляюцца прыярытэтнымі сферы лагістыкі і транспарту, будаўніцтва, сельскай гаспадаркі, інфармацыйных тэхналогій і турызму, якія будзе забяспечваць новая фармацыя прафесійных кадраў.

подробнее...

14.09.2017
З інавацыйным падыходам

У горадзе над Бугам падвялі вынікі Рэспубліканскага тыдня дадатковай адукацыі дзяцей і моладзі, які з 2005 года праходзіць у розных рэгіёнах краіны з мэтай паказу лепшага педагагічнага вопыту, пошуку інавацыйных форм і метадаў работы, абмеркавання і вырашэння актуальных праблем выхаваўчай дзейнасці. Сёлета сваімі напрацоўкамі з калегамі дзяліліся прадстаўнікі сістэмы дадатковай адукацыі Брэстчыны.

подробнее...

05.09.2017
Павышаць эканамічную эфектыўнасць кіраўніцкай дзейнасці

Сёлетняя абласная жнівеньская педагагічная нарада на Брэстчыне праходзіла ў фармаце двухдзённага форуму “Адукацыя Брэстчыны: рэсурсы, вопыт, задачы прафесійнай рэалізацыі асобы”. Больш за 500 чалавек прынялі ўдзел у пленарным пасяджэнні, якое праходзіла ў першы дзень на базе Пружанскага гарадскога палаца культуры. Перад пачаткам мерапрыемства яго ўдзельнікі азнаёміліся з выставачнай экспазіцыяй “Адукацыя Брэстчыны: дарожная карта на новы навучальны год”. На пасяджэнні прысутнічалі старшыня Брэсцкага аблвыканкама А.В.Ліс і дырэктар дэпартамента кантролю якасці адукацыі Міністэрства адукацыі Беларусі У.М.Здановіч.

подробнее...

01.09.2017
Школы чакаюць дзяцей

Ва ўстановах адукацыі краіны завяршылася падрыхтоўка да 1 верасня. Аб гатоўнасці сістэмы адукацыі Брэстчыны да новага навучальнага года расказвае начальнік абласнога ўпраўлення адукацыі Юрый Мікалаевіч Прасмыцкі: - У 2017/2018 навучальным годзе ў вобласці будуць працаваць 1162 установы адукацыі, якія прымуць амаль 162 тысячы дзяцей. Радуе, што з году ў год іх колькасць няўхільна павялічваецца.

подробнее...

28.08.2017
Павышаць прафесійны ўзровень кіраўніцкіх і педагагічных кадраў

- Сучаснае развіццё грамадства патрабуе ад педагогаў пастаяннага ўдасканалення ведаў і ўменняў, накіраваных на павышэнне якасці адукацыі. Без укаранення інавацыйных тэхналогій, выкарыстання найноўшых сродкаў навучання, выяўлення і распаўсюджання перадавога вопыту, росту прафесіяналізму настаўнікаў і кіраўнікоў гэтай мэты дасягнуць немагчыма, - упэўнена намеснік начальніка аддзела адукацыі, спорту і турызму Бярозаўскага райвыканкама А.В.Мінко.

подробнее...


 

Полезные ссылки:

Министерство образования Республики Беларусь

HitMeter