Наши контакты:
Адрес: г. Брест, ул. Янки Купалы, 20/1
Индекс: 224020
Тел./Факс: 8 (0162) 46-17-87
Тел.: 8 (0162) 46-09-92
E-mail: boiro@brest-region.edu.by
Cхема проезда
Закрыть [X]


Главная | Сервис | Архив новостей


Архив новостей

06.03.2017
Забяспечыць якаснае метадычнае суправаджэнне профільнага навучання


У раёнах вобласці створаны ўласныя мадэлі профільнага навучання з улікам кадравых і матэрыяльна-тэхнічных рэсурсаў школ, запытаў дзяцей і іх бацькоў. Вывучэнне прадметаў на павышаным узроўні ў бягучым навучальным годзе арганізавана ў 220 установах адукацыі. У профільных класах і групах атрымліваюць веды амаль 5 тысяч дзесяцікласнікаў і каля 4,4 тысячы адзінаццацікласнікаў. Найбольшую цікавасць школьнікі праявілі да вывучэння на павышаным узроўні матэматыкі (194 установы адукацыі), рускай (145) і замежнай (137) моў, а найменшую – да вывучэння гісторыі Беларусі (40), грамадазнаўства (30) і сусветнай гісторыі (6).

Больш за 50% старшакласнікаў ахоплены профільным навучаннем ва ўстановах адукацыі Пінска, Брэста, Баранавіч, Драгічынскага і Жабінкаўскага раёнаў, менш за 30% - ва ўстановах адукацыі Баранавіцкага, Іванаўскага, Столінскага, Маларыцкага і Пінскага раёнаў.

Наш інстытут забяспечыў вучэбна-метадычнае суправаджэнне профільнага навучання на абласным узроўні. Так, з намеснікамі начальнікаў аддзелаў адукацыі, спорту і турызму, загадчыкамі вучэбна-метадычных кабінетаў і кіраўнікамі ўстаноў адукацыі была праведзена спецыяльная інструктыўна-метадычная нарада. На базе інстытута прайшоў абласны семінар па пытаннях профільнага навучання для 300 педагогаў вобласці з удзелам спецыялістаў Нацыянальнага інстытута адукацыі, якія разглядалі змест і методыку выкладання тэм на павышаным узроўні ў розных прадметных секцыях. Узаемадзеянне метадычнай службы і метадычных фарміраванняў педагогаў у рэалізацыі рэгіянальных мадэлей дапрофільнай падрыхтоўкі і профільнага навучання разглядалася на семінары загадчыкаў вучэбна-метадычных кабінетаў у Івацэвіцкім раёне. Акрамя таго, тэмы профільнага навучання закранаюцца пры павышэнні кваліфікацыі настаўнікаў-прадметнікаў у інстытуце.

Падчас заняткаў быў выяўлены шэраг праблем, якія патрабуюць вырашэння на рэспубліканскім узроўні. Так, пакуль не распрацаваны ў поўным аб’ёме кантрольна-вымяральныя матэрыялы для вывучэння на павышаным узроўні хіміі, матэматыкі, фізікі і беларускай мовы. Змест вучэбных дапаможнікаў па хіміі, матэматыцы і фізіцы патрабуе дапаўнення вучэбным матэрыялам для вывучэння на павышаным узроўні. Па шэрагу прадметаў напаўненне матэрыялам для профільнага навучання адсутнічае ў падручніках апошняга пакалення, няма дыдактычных матэрыялаў, рэкамендаваных для выкарыстання Міністэрствам адукацыі. Пакуль не ўстаранена розніца ў ступені складанасці зместу планавых кантрольных і экзаменацыйных работ па прадметах паміж базавым узроўнем і профільным. У той жа час атэстат выпускніка профільнага класа/групы нічым не адрозніваецца ад тыпавога і не дае ніякіх прывілей.

Пры засваенні рэгіянальных мадэлей профільнага навучання павінен быць больш адчувальным уклад у гэты працэс вучэбна-метадычных кабінетаў вобласці. Іх задача – забяспечыць прадуктыўную работу праблемных і творчых груп настаўнікаў у галіне дапрофільнай падрыхтоўкі і профільнага навучання школьнікаў. Метадычныя фарміраванні здольны вызначаць найбольш эфектыўныя методыкі і формы прафілізацыі вучняў, дзейсныя мадэлі ўзаемадзеяння з бацькамі ў прафарыентацыі, ажыццяўляць маніторынг навучання на павышаным узроўні, абагачаць дыдактычную базу профільнага навучання па розных прадметах.

На жаль, далёка не ўсе педагогі і кіраўнікі ясна ўсведамляюць, што якасць профільнага навучання залежыць ад таго, як школа падвяла дзяцей да выбару профілю падчас дапрофільнай падрыхтоўкі. Сёння ўжо ў пяцікласнікаў павінен фарміравацца контур прафесійнай будучыні, калі дзеці дакладна ўяўляюць рэальныя адукацыйныя патрэбы і размяжоўваюць “я хачу” і “я магу”.

Да падрыхтоўкі дзіцячага інтэлекту і псіхікі да выбару профілю і захапленню ім ужо на ІІ ступені агульнай сярэдняй адукацыі трэба актыўна далучаць бацькоў. Вялікую работу па дапрофільнай падрыхтоўцы праводзяць псіхолага-педагагічныя службы. Гэта патрабуе ад педагогаў-псіхолагаў і сацыяльных педагогаў спецыяльных кампетэнцый. Іх фарміраванне – задача метадычных службаў і фарміраванняў вобласці, у тым ліку Брэсцкага абласнога ІРА.

Захапіўшыся ведамі, накіраванымі на род і від прафесійнай дзейнасці, вучням важна не страціць базавыя, універсальныя, агульнаразвіццёвыя веды, без якіх цяжка ўявіць любога спецыяліста, а педагогам – не “закансервіравацца”, не “застаяцца” ў спецыялізаваных ведах. У такой сітуацыі неабходны пошук разумнага балансу. Гэта адна з задач адукацыйных структур, якія адказваюць за прафесійнае развіццё педагогаў.

Трэба адзначыць, што сёння ў арганізацыі профільнага навучання назіраецца пэўная ізаляванасць. Кожная школа сканцэнтравана на рэалізацыі сваіх мадэлей прафілізацыі і не прадбачыць, што заўтра яны могуць змяніцца. Таму намаганні метадычных службаў вобласці варта скіраваць на пераадоленне гэтай ізаляванасці і актыўны абмен практычнымі напрацоўкамі ў школах.

Брэсцкі абласны ІРА шмат робіць для арганізацыі больш цеснага і эфектыўнага ўзаемадзеяння з метадычнымі службамі вобласці. Так, распрацавана і рэалізоўваецца Канцэпцыя бесперапыннага інфармацыйна-аналітычнага і метадычнага забеспячэння адукацыі Брэсцкай вобласці. Па кластарным прынцыпе з цэнтрам у інстытуце створана абласная метадычная сетка. Неўзабаве пачне працаваць абласны метадычны савет.

Юрый ІВАНОЎ,

рэктар Брэсцкага абласнога інстытута развіцця адукацыі.


Image1
 
 
 

Конкурсы


"Информатика-2017"

 

"Бобёр-2017"

 

IT-Граница

 

Последние изменения

[13.11.17] Обновлен раздел "Аттестация"

[04.11.17] Обновлен раздел "Управление в образовании"

Новости

13.11.2017
Якасць, кадры, дысцыпліна

На чарговым пасяджэнні калегіі ўпраўлення адукацыі Брэсцкага аблвыканкама разглядаліся пытанні, звязаныя з работай рэгіянальных органаў апекі і папячыцельства, міжведамасным узаемадзеяннем па своечасовым выяўленні і эфектыўнай комплекснай дапамозе дзецям з АПФР, арганізацыяй бяспечнага падвозу выхаванцаў да месцаў вучобы, станам выкладання замежнай мовы ва ўстановах адукацыі вобласці і інш.

подробнее...

13.11.2017
З улікам рэгіянальных сацыякультурных асаблівасцей

На базе ўстаноў адукацыі Брэсцкага раёна прайшоў абласны семінар начальнікаў аддзелаў адукацыі, спорту і турызму рай(гар)выканкамаў, прысвечаны развіццю прыродаадпаведных якасцей асобы дзіцяці ва ўмовах сацыякультурнага асяроддзя рэгіёна. Удзельнікі мерапрыемства пабывалі ў Чэрнінскай, Вістыцкай і Клейнікаўскай сярэдніх школах, Клейнікаўскім яслях-садзе і гісторыка-мемарыяльным музеі “Сядзіба Нямцэвічаў” у Скоках, дзе азнаёміліся з цікавымі напрацоўкамі педагогаў Прыбужжа.

подробнее...

10.11.2017
11 ноября - Международный день энергосбережения

В целях привлечения внимания общественности к рациональному использованию ресурсов и развитию возобновляемых источников энергии Республика Беларусь 11 ноября 2008 г. поддержала и присоединилась к празднованию международного Дня энергосбережения.

подробнее...

04.11.2017
Дзеля паспяховай будучыні выпускнікоў

- Патрабаванні да сучасных выпускнікоў школ павялічваюцца, таму ўстанова адукацыі сёння павінна быць не толькі кузняй ведаў, але і месцам для ўсебаковага развіцця і самавызначэння вучняў, - гаворыць дырэктар Хатыніцкай сярэдняй школы Ганцавіцкага раёна Святлана Уладзіміраўна Перашчук. – Нашы педагогі імкнуцца задаволіць вучэбныя запыты дзяцей, каб кожны выпускнік знайшоў сябе ў пэўнай прафесійнай дзейнасці і быў добра падрыхтаваны да самастойнага жыцця. На жаль, даволі часта вучні выбіраюць прафесію з улікам яе прэстыжнасці ў грамадстве, а не рэальных здольнасцей. Многія бацькі пераацэньваюць магчымасці сваіх дзяцей, робячы іх заложнікамі ўласных амбіцый. Вырашыць гэтую праблему можна з дапамогай правільнай прафарыентацыі, якая з’яўляецца фактарам жыццёвага поспеху чалавека. Вялікую ролю ў такой рабоце адыгрывае сістэмнае ўзаемадзеянне школы, бацькоў і мясцовай супольнасці на прынцыпах сацыяльнага партнёрства і супрацоўніцтва. Наш педкалектыў мае добрыя напрацоўкі ў гэтым напрамку дзейнасці.

подробнее...

03.11.2017
У прыярытэце – работа з высокаматываванымі вучнямі

Інтэлектуальнае развіццё грамадства залежыць ад своечасовага выяўлення высокаматываваных дзяцей і работы з імі. Гэта з’яўляецца сёння адной з важных задач сістэмы адукацыі, закліканай ствараць умовы для самарэалізацыі моладзі. Бацькі лічаць, што сучасная школа павінна не толькі даваць трывалыя веды дзецям, але і выяўляць, раскрываць і развіваць іх здольнасці. Работа з высокаматываванымі вучнямі – адзін з прыярытэтных напрамкаў дзейнасці нашай установы адукацыі.

подробнее...


 

Полезные ссылки:

Министерство образования Республики Беларусь

HitMeter