Наши контакты:
Адрес: г. Брест, ул. Янки Купалы, 20/1
Индекс: 224020
Тел./Факс: 8 (0162) 46-17-87
Тел.: 8 (0162) 46-09-92
E-mail: boiro@brest-region.edu.by
Cхема проезда
Закрыть [X]


Главная | Сервис | Архив новостей


Архив новостей

20.04.2017
З кагорты прафесіяналаў Брэстчыны


- Конкурс, ва ўсіх этапах якога прынялі ўдзел некалькі соцень педагогаў, паказаў важнае месца адукацыі ў грамадстве і рост прафесійнага майстэрства настаўнікаў і выхавальнікаў вобласці, садзейнічаў развіццю іх творчага патэнцыялу і кампетэнтнаснай культуры, абнаўленню зместу школьнай адукацыі, прапагандзе лепшага вопыту, папулярызацыі і павышэнню прэстыжу педагагічнай прафесіі, - адзначыў начальнік абласнога ўпраўлення адукацыі Ю.М.Прасмыцкі. – Удзельнікі надзвычай адказна падышлі да конкурсных выпрабаванняў. У рэгіёнах вобласці былі створаны належныя арганізацыйныя ўмовы для таго, каб педагогі праявілі прафесійныя здольнасці на высокім узроўні і паказалі сапраўдныя прыклады для пераймання. Радуе, што конкурс выявіў шмат таленавітых настаўнікаў, здольных генерыраваць новыя ідэі, здзіўляць і творча падыходзіць да любімай справы.

За 26-гадовую гісторыю Рэспубліканскага конкурсу прафесійнага майстэрства педагогаў прадстаўнікі Брэстчыны 5 разоў станавіліся яго пераможцамі: настаўнік хіміі Уладзімір Міхайлавіч Дзядкоў з сярэдняй школы № 10 Баранавіч, настаўнік англійскай мовы Юрый Усеваладавіч Маслаў з сярэдняй школы № 7 Баранавіч, настаўнік фізікі Уладзімір Мацвеевіч Здановіч з сярэдняй школы № 1 Драгічына, настаўнік геаграфіі Вадзім Паўлавіч Шпетны з Ланской сярэдняй школы Маларыцкага раёна і настаўнік біялогіі Юрый Мікалаевіч Андрэйчык з сярэдняй школы № 2 Ганцавіч. Сёння многія з іх працуюць на адказных пасадах не толькі ў сістэме адукацыі, але і ў іншых сферах дзейнасці. Пераможцы конкурсу – распрацоўшчыкі аўтарскіх праграм, уласных мадэлей навучання з выкарыстаннем сучасных адукацыйных тэхналогій, аўтары альтэрнатыўных вучэбных дапаможнікаў, актуальных метадычных распрацовак, у тым ліку з элементамі медыяадукацыі, і інш.

У завочным і занальных турах конкурсу яго ўдзельнікі прэзентавалі вопыт педагагічнай дзейнасці на тэмы “Каб дзеці хацелі вучыцца” і “Вучыць дзяцей вучыцца”, відэаўрокі ў незнаёмых класах і відэазаняткі ў незнаёмых дашкольных групах, праводзілі майстар-класы для калег, урокі і заняткі ў школах і дзіцячых садках.

Да фіналу былі дапушчаны 25 педагогаў, якія рыхтавалі публічнае выступленне “Настаўнік (выхавальнік) учора, сёння, заўтра”, паказвалі сістэму педагагічнай дзейнасці і вырашалі розныя псіхолага-педагагічныя сітуацыі. Пераможцы вызначаліся ў 8 намінацыях.

Па выніках усіх конкурсных выпрабаванняў лепшымі аказаліся настаўнік фізічнай культуры і здароўя Сяргей Аляксандравіч Карпук з сярэдняй школы № 3 Жабінкі, настаўнік фізікі Канстанцін Уладзіміравіч Кавалевіч з сярэдняй школы № 3 Бярозы, настаўніца біялогіі Іна Юр’еўна Кавальчук з сярэдняй школы № 12 Пінска, настаўнік гісторыі і грамадазнаўства Васіль Мікалаевіч Каляда з Клейніцкай сярэдняй школы Брэсцкага раёна, настаўніца рускай мовы і літаратуры Алена Рыгораўна Шумак з гімназіі № 2 Пінска, настаўніца англійскай мовы Таццяна Мікалаеўна Шагун з ліцэя № 1 Баранавіч, настаўніца пачатковых класаў Наталля Уладзіміраўна Ільючык з Багданаўскай сярэдняй школы Лунінецкага раёна і выхавальніца Наталія Васільеўна Лемяшэўская з ясляў-сада № 5 Івацэвіч. Гэтыя педагогі складуць каманду, якая прадставіць Брэстчыну на заключным этапе Рэспубліканскага конкурсу “Настаўнік года” ў Мінску.

Падчас святочнага мерапрыемства былі адзначаны кіраўнікі ўстаноў адукацыі, якія на высокім арганізацыйным узроўні правялі занальныя этапы конкурсу. Шмат цёплых слоў у адрас пераможцаў прагучала з вуснаў начальнікаў рэгіянальных аддзелаў адукацыі, спорту і турызму. У намінацыі “Медыяперсона”, заснаванай рэдакцыяй “Настаўніцкай газеты” за актыўнае супрацоўніцтва з педагагічнымі СМІ, лепшай прызнана настаўніца беларускай мовы і літаратуры Людміла Мікалаеўна Бурвін з ліцэя Івацэвіцкага раёна.

Больш падрабязна пра пераможцаў конкурсу чытачы нашай газеты даведаюцца ў матэрыялах пастаяннай рубрыкі “Адукацыя ў асобах”.

Сяргей ГРЫШКЕВІЧ.

Фота аўтара.


Image1
 
 
 

Конкурсы


"Бобёр-2017"

 

IT-Граница

 

Последние изменения

[04.10.17] Обновлен раздел "Дошкольное образование"

Новости

11.10.2017
Павышаная ўвага – прафарыентацыі асаблівых дзяцей

Прафарыентацыя дзяцей з асаблівасцямі псіхафізічнага развіцця – адзін з важных напрамкаў работы Цэнтра карэкцыйна-развіццёвага навучання і рэабілітацыі Ляхавіцкага раёна. Дзейнасць у гэтым напрамку ажыццяўляецца ў цесным узаемадзеянні з установамі і арганізацыямі соцыуму.

подробнее...

11.10.2017
Ствараем прафесійную сеткавую суполку

Многія людзі вядуць дзённікі. У дзяцей гэта сшытачкі з рознымі каляровымі надпісамі, малюнкамі і ўклейкамі, дзе запісваюцца душэўныя перажыванні. Дарослыя часта перастаюць весці дзённікі з-за недахопу часу, а калі і вядуць, то дзеляцца з ім жыццёвымі перашкодамі і радасцямі, дасягненнямі і праблемамі на рабоце, захапленнямі і інш. А што рабіць, калі чалавеку патрэбна парада ці нехта хоча прапанаваць сваю дапамогу? Выйсце ёсць – блог. Асабліва карысным ён з’яўляецца для цяжкай настаўніцкай працы.

подробнее...

10.10.2017
Будучыя мытнікі

Па ініцыятыве Брэсцкай мытні і Брэсцкага гарвыканкама ў сярэдняй школе № 1 абласнога цэнтра пачаў працаваць мытны клас.

подробнее...

09.10.2017
Ад інавацыі – да якасці адукацыі

На Ляхавіччыне ўпэўнены, што інавацыйная дзейнасць – адзін з асноўных спосабаў мадэрнізацыі не толькі асобнай установы адукацыі, але і сістэмы адукацыі раёна ў цэлым. Дзейнасць школы ці дзіцячага садка ў рэжыме інавацыі – умова эфектыўнага развіцця творчага патэнцыялу педагогаў. Сучасныя настаўнікі і выхавальнікі павінны ісці ў нагу з часам, знаходзіцца ў пастаянным пошуку новых і цікавых метадаў педагагічнай дзейнасці.

подробнее...

06.10.2017
З улікам рэгіянальных запытаў у працоўных рэсурсах

- Прафарыентацыйная работа з’яўляецца важным звяном школьнай адукацыі, бо звязвае яе з эканомікай, а патрэбы вучняў – з іх будучыняй, - гаворыць начальнік аддзела адукацыі, спорту і турызму Баранавіцкага райвыканкама Сяргей Міхайлавіч Вінаград. – Для паспяховага развіцця грамадства неабходна, каб кожны выпускнік школы знаходзіў прымяненне сваім інтарэсам і схільнасцям, не губляў дарма час, сілы і сродкі ў пошуках месца на рынку працы, адчуваў задавальненне ад работы па прафесіі. Не менш важна і тое, каб, атрымаўшы запатрабаваныя спецыяльнасці, выпускнікі сельскіх школ вярталіся на малую радзіму і замацоўваліся ў рэгіёнах, забяспечваючы дастойную змену сённяшнім працаўнікам сяла.

подробнее...


 

Полезные ссылки:

Министерство образования Республики Беларусь

HitMeter