Наши контакты:
Адрес: г. Брест, ул. Янки Купалы, 20/1
Индекс: 224020
Тел./Факс: 8 (0162) 46-17-87
Тел.: 8 (0162) 46-09-92
E-mail: boiro@brest-region.edu.by
Cхема проезда
Закрыть [X]


Главная | Сервис | Архив новостей


Архив новостей

03.08.2017
Супрацоўніцтва дзеля агульнай карысці


Летась Брэсцкі абласны ліцэй імя П.М.Машэрава заключыў дамову аб супрацоўніцтве з Таварыствам праваслаўнага братэрства Святых Кірыла і Мяфодзія і Аб’яднаннем школ імя Святых Кірыла і Мяфодзія ў Беластоку (Польшча). Бакі дамовіліся праводзіць сумесную работу па стварэнні ўмоў для ўдасканалення метадычнага майстэрства педагогаў, арганізацыі даследчай дзейнасці вучняў, іх інтэлектуальнага і творчага развіцця, вывучэння моў нацыянальных меншасцей, гісторыка-культурнай спадчыны народаў Беларусі і Польшчы.

- Супрацоўніцтва ажыццяўляецца шляхам сумеснага планавання адукацыйных і культурна-адпачынкавых мерапрыемстваў і ўдзелу ў іх, - расказвае дырэктар Брэсцкага абласнога ліцэя імя П.М.Машэрава Н.А.Каліноўская. – У планах – падрыхтоўка агульных праектаў, мэтай якіх з’яўляюцца папулярызацыя беларускіх і польскіх традыцый і культуры, арганізацыя конкурсаў, канферэнцый і міждзяржаўных сустрэч, накіраваных на захаванне беларускай культуры, семінараў, экскурсій, майстар-класаў і асветніцкіх курсаў па абмене цікавым вопытам.

Польскія калегі ўжо двойчы пабывалі ў Брэсце. Падчас паездак госці азнаёміліся з горадам, прынялі ўдзел у ліцэйскай адкрытай навукова-практычнай канферэнцыі “З навукай у жыццё”, якая праходзіла ў рамках тыдня метадычнага майстэрства, наведалі інтэграваны ўрок геаграфіі, біялогіі і інфарматыкі. Беларускія педагогі і вучні нанеслі візіт у Беласток і Варшаву: пабывалі ў пасольстве нашай краіны ў Польшчы, сустрэліся з паслом, падрыхтавалі для калег канцэртную праграму і прынялі ўдзел у Х фестывалі культур.

- Сёлета ў рамках рэалізацыі міжнароднага праекта па грамадзянска-патрыятычным выхаванні моладзі “Памяць аб’ядноўвае нас” пачалося супрацоўніцтва з эканамічным ліцэем № 373 Санкт-Пецярбурга, - гаворыць Н.А.Каліноўская. – Праект прысвечаны подзвігу гарадоў-герояў краін былога СССР. Брэсцкія ліцэісты ўжо пабывалі ў паўночнай сталіцы Расіі, дзе азнаёміліся з культурнымі помнікамі, сустрэліся з равеснікамі, прэзентавалі сваю ўстанову адукацыі, расказалі пра работу па захаванні памяці пра Вялікую Айчынную вайну. Вучні падтрымліваюць паміж сабой сяброўскія сувязі.

Па словах Н.А.Каліноўскай, даволі перспектыўным бачыцца і прафарыентацыйнае супрацоўніцтва з Акадэміяй кіравання пры Прэзідэнце Рэспублікі Беларусь. Сёлета паміж ёй, ліцэем і абласным упраўленнем адукацыі было падпісана палажэнне аб стварэнні на базе ліцэя школьнай акадэміі кіравання.

- Школьная акадэмія кіравання з’яўляецца аб’яднаннем па інтарэсах, створаным для арганізацыі вучэбнага працэсу ў рамках рэалізацыі адукацыйнай праграмы дадатковай адукацыі дзяцей і моладзі на базавым узроўні па сацыяльна-эканамічным, лінгвістычным, прыродазнаўча-матэматычным і грамадска-гуманітарным профілях, - расказвае Н.А.Каліноўская. – Галоўныя задачы школьнай акадэміі – выяўленне адоранай і таленавітай моладзі, стварэнне ўмоў для рэалізацыі яе інтэлектуальных і творчых здольнасцей, развіццё ў вучняў камунікатыўных і лідарскіх навыкаў і ўменняў, фарміраванне сацыяльна-асобасных кампетэнцый і актыўнай грамадзянскай пазіцыі, правядзенне прафарыентацыйнай работы з мэтай адбору абітурыентаў для паступлення ў Акадэмію кіравання пры Прэзідэнце Рэспублікі Беларусь і інш. Асноўнай формай арганізацыі адукацыйнага працэсу ў школьнай акадэміі з’яўляюцца факультатыўныя заняткі і прафарыентацыйныя сустрэчы ў групах з пастаянным і зменным складам. Акрамя таго, адукацыйны працэс можа ажыццяўляцца ў дыстанцыйнай форме з выкарыстаннем камп’ютарных тэхналогій. У мінулым навучальным годзе ліцэісты прынялі ўдзел у праекце “Стань студэнтам Акадэміі на адзін дзень”, паспяхова выступілі на XXI Рэспубліканскай навукова-практычнай канферэнцыі маладых вучоных і студэнтаў “Тэарэтыка-метадалагічныя і прыкладныя аспекты дзяржаўнага кіравання”. Упэўнена, супрацоўніцтва ліцэя з Акадэміяй кіравання пры Прэзідэнце Рэспублікі Беларусь будзе карысным для абедзвюх устаноў.

Сяргей ГРЫШКЕВІЧ.


Image1
 
 
 

Конкурсы


"Бобёр-2017"

 

IT-Граница

 

Последние изменения

[04.10.17] Обновлен раздел "Дошкольное образование"

Новости

11.10.2017
Павышаная ўвага – прафарыентацыі асаблівых дзяцей

Прафарыентацыя дзяцей з асаблівасцямі псіхафізічнага развіцця – адзін з важных напрамкаў работы Цэнтра карэкцыйна-развіццёвага навучання і рэабілітацыі Ляхавіцкага раёна. Дзейнасць у гэтым напрамку ажыццяўляецца ў цесным узаемадзеянні з установамі і арганізацыямі соцыуму.

подробнее...

11.10.2017
Ствараем прафесійную сеткавую суполку

Многія людзі вядуць дзённікі. У дзяцей гэта сшытачкі з рознымі каляровымі надпісамі, малюнкамі і ўклейкамі, дзе запісваюцца душэўныя перажыванні. Дарослыя часта перастаюць весці дзённікі з-за недахопу часу, а калі і вядуць, то дзеляцца з ім жыццёвымі перашкодамі і радасцямі, дасягненнямі і праблемамі на рабоце, захапленнямі і інш. А што рабіць, калі чалавеку патрэбна парада ці нехта хоча прапанаваць сваю дапамогу? Выйсце ёсць – блог. Асабліва карысным ён з’яўляецца для цяжкай настаўніцкай працы.

подробнее...

10.10.2017
Будучыя мытнікі

Па ініцыятыве Брэсцкай мытні і Брэсцкага гарвыканкама ў сярэдняй школе № 1 абласнога цэнтра пачаў працаваць мытны клас.

подробнее...

09.10.2017
Ад інавацыі – да якасці адукацыі

На Ляхавіччыне ўпэўнены, што інавацыйная дзейнасць – адзін з асноўных спосабаў мадэрнізацыі не толькі асобнай установы адукацыі, але і сістэмы адукацыі раёна ў цэлым. Дзейнасць школы ці дзіцячага садка ў рэжыме інавацыі – умова эфектыўнага развіцця творчага патэнцыялу педагогаў. Сучасныя настаўнікі і выхавальнікі павінны ісці ў нагу з часам, знаходзіцца ў пастаянным пошуку новых і цікавых метадаў педагагічнай дзейнасці.

подробнее...

06.10.2017
З улікам рэгіянальных запытаў у працоўных рэсурсах

- Прафарыентацыйная работа з’яўляецца важным звяном школьнай адукацыі, бо звязвае яе з эканомікай, а патрэбы вучняў – з іх будучыняй, - гаворыць начальнік аддзела адукацыі, спорту і турызму Баранавіцкага райвыканкама Сяргей Міхайлавіч Вінаград. – Для паспяховага развіцця грамадства неабходна, каб кожны выпускнік школы знаходзіў прымяненне сваім інтарэсам і схільнасцям, не губляў дарма час, сілы і сродкі ў пошуках месца на рынку працы, адчуваў задавальненне ад работы па прафесіі. Не менш важна і тое, каб, атрымаўшы запатрабаваныя спецыяльнасці, выпускнікі сельскіх школ вярталіся на малую радзіму і замацоўваліся ў рэгіёнах, забяспечваючы дастойную змену сённяшнім працаўнікам сяла.

подробнее...


 

Полезные ссылки:

Министерство образования Республики Беларусь

HitMeter