Наши контакты:
Адрес: г. Брест, ул. Янки Купалы, 20/1
Индекс: 224020
Тел./Факс: 8 (0162) 46-17-87
Тел.: 8 (0162) 46-09-92
E-mail: boiro@brest-region.edu.by
Cхема проезда
Закрыть [X]


Главная | Сервис | Архив новостей


Архив новостей

05.09.2017
Павышаць эканамічную эфектыўнасць кіраўніцкай дзейнасці


Начальнік абласнога ўпраўлення адукацыі Ю.М.Прасмыцкі засяродзіў увагу на прыярытэтных напрамках развіцця адукацыйнай галіны Брэстчыны ў новым навучальным годзе. Сярод першачарговых задач – забеспячэнне якасці і даступнасці дашкольнай адукацыі, паступальная мадэрнізацыя дзіцячых садкоў, здароўезберажэнне і павышэнне кваліфікацыйнага ўзроўню выхавальнікаў. Так, толькі 68% іх маюць вышэйшую адукацыю (па гэтым паказчыку вобласць лідзіруе ў краіне), каля 55% - профільную дашкольную адукацыю, 56% - вышэйшую і першую кваліфікацыйную катэгорыю.

- Кваліфікацыйны ўзровень настаўнікаў дазваляе паспяхова вырашаць многія адукацыйныя задачы, - адзначыў Ю.М.Прасмыцкі. – Так, каля 94% педагогаў маюць вышэйшую адукацыю, амаль 79% - вышэйшую і першую кваліфікацыйную катэгорыю, 23 педагогі з’яўляюцца настаўнікамі-метадыстамі. Нягледзячы на гэта, выніковасць удзелу школьнікаў Брэстчыны ў цэнтралізаваным тэсціраванні і алімпіядным руху пакідае жадаць лепшага.

Па словах Ю.М.Прасмыцкага, вялікую ўвагу трэба ўдзяляць узаемадзеянню школ і ўстаноў вышэйшай адукацыі ў падрыхтоўцы будучых педагагічных кадраў. Так, з 2015 года ў школах вобласці дзейнічаюць педагагічныя класы (у мінулым навучальным годзе іх было 29). Гэта добры спосаб прыцягнення матываваных вучняў у прафесію.

- Неабходна пашыраць узаемадзеянне школ, ліцэяў, гімназій і ўстаноў вышэйшай адукацыі ў рабоце з адоранымі вучняў, - заўважыў Ю.М.Прасмыцкі. – На жаль, толькі некалькі ліцэяў і гімназій вобласці паказваюць стабільна высокія вынікі ў рэспубліканскім алімпіядным руху (гімназія № 1 і ліцэй № 1 імя А.С.Пушкіна Брэста, Брэсцкі абласны ліцэй імя П.М.Машэрава, гімназіі №№ 1 і 4 Баранавіч). За апошнія 5 гадоў не падрыхтавалі ніводнага пераможца рэспубліканскай прадметнай алімпіяды гімназіі №№ 3 і 4 Брэста, гімназіі Белаазёрска, Ганцавіч, Драгічына, Камянца, Ляхавіч і Століна, а таксама ліцэй Івацэвіцкага раёна.

Ю.М.Прасмыцкі падкрэсліў, што павышэнне заробкаў педагогаў павінна залежаць ад выніку іх прафесійнай дзейнасці.

Актуальнымі задачамі для сістэмы прафесійнай адукацыі з’яўляюцца камплектаванне ПТНУ і ССНУ навучэнцамі, адкрыццё запатрабаваных рабочых спецыяльнасцей, узмацненне ўзаемадзеяння ўстаноў прафесійнай адукацыі з заказчыкамі кадраў, замацаванне моладзі ў рэгіёнах, далейшая аптымізацыя ўстаноў з улікам іх глыбокай мадэрнізацыі. На жаль, не вырашана пытанне з перспектыўным прагназаваннем патрэб розных галін эканомікі ў кадрах.

- Вялікую ўвагу ў выхаваўчай дзейнасці трэба ўдзяляць павышэнню эфектыўнасці прафілактычнай работы з моладдзю па прадухіленні ў яе асяроддзі безнагляднасці, злачынстваў, правапарушэнняў, п’янства, наркаманіі і таксікаманіі, - адзначыў Ю.М.Прасмыцкі. – Поспехаў у гэтай справе немагчыма дасягнуць без цеснага міжведамаснага ўзаемадзеяння. Так, разам з абласнымі ўпраўленнямі ўнутраных спраў і аховы здароўя, абласной камісіяй па справах непаўналетніх актыўна праводзяцца розныя прафілактычныя акцыі. Ва ўстановах адукацыі Пінска, Драгічынскага, Івацэвіцкага і Камянецкага раёнаў рэалізоўваецца міжведамасная праграма “Эфект” па прафілактыцы ранняга падлеткавага алкагалізму (праз асветніцкую работу з бацькамі).

Актуальны напрамак работы школ – фарміраванне ў вучняў навыкаў бяспечных і адказных паводзін (найперш у сацыяльных сетках і інтэрнэце), а таксама здаровага ладу жыцця. Неабходна наладжваць эфектыўнае ўзаемадзеянне з сем’ямі па розных напрамках выхаваўчай работы, адыходзіць ад фармалізму ў ёй.

- Надзвычай важнай задачай з’яўляецца працоўнае выхаванне школьнікаў, - упэўнены Ю.М.Прасмыцкі. – Неабходна змалку выхоўваць у дзяцей павагу да працы, людзей працы і працоўных дасягненняў, фарміраваць у вучняў уменні і навыкі самаабслугоўвання, далучаць да сацыяльна значнай дзейнасці. Акрамя таго, трэба ўкараняць новыя падыходы да арганізацыі прафарыентацыйнай работы.

Ю.М.Прасмыцкі спыніў таксама ўвагу на зніжэнні дакументаабароту ва ўстановах адукацыі, укараненні электроннай школы, павышэнні эканамічнай эфектыўнасці кіраўніцкай дзейнасці, прафесіяналізме, кампетэнтнасці і культуры кіравання, фарміраванні кадравага рэзерву і інш.

- Брэстчына вылучаецца высокім узроўнем кадравага патэнцыялу, які варта захоўваць і прымнажаць, - адзначыў дырэктар дэпартамента кантролю якасці адукацыі Міністэрства адукацыі Беларусі У.М.Здановіч. – Галоўная задача – забеспячэнне якаснай адукацыі і падрыхтоўка кваліфікаваных кадраў, прычым якасць адукацыі трэба ацэньваць не па выніках цэнтралізаванага тэсціравання і алімпіяднага руху, а па ўзроўні асобаснага і прафесійнага развіцця выпускнікоў.

У другі дзень педагогі працавалі ў 3 секцыях, арганізаваных на базе сярэдняй школы № 10 Пінска, сярэдняй школы № 3 Бярозы і Брэсцкага дзяржаўнага каледжа сувязі. Удзельнікі нарады абмяркоўвалі пытанні, звязаныя з прафарыентацыяй вучняў, узаемадзеяннем устаноў адукацыі з соцыумам у інтарэсах прафесійнага самавызначэння школьнікаў і рэсурсным забеспячэннем рэгіянальнай прафесійнай адукацыі.

Лепшыя педагогі Брэстчыны атрымалі граматы і падзячныя пісьмы аблвыканкама, а таксама ганаровыя граматы абласнога Савета дэпутатаў.

Сярод узнагароджаных: начальнік аддзела адукацыі, спорту і турызму Бярозаўскага райвыканкама Т.П.Бранько, настаўніца англійскай мовы сярэдняй школы № 2 Жабінкі Ж.Р.Наўцэвіч, дырэктар Гнеўчыцкага дзіцячага сада – базавай школы Іванаўскага раёна Т.В.Пархамчук, намеснік дырэктара па вучэбнай рабоце Фядорскай сярэдняй школы Столінскага раёна Н.М.Палукошка, дырэктар Брэсцкага дзяржаўнага каледжа сферы абслугоўвання А.Р.Мацвейчык, настаўніца нямецкай мовы Валавельскай сярэдняй школы Драгічынскага раёна І.В.Малышчык, настаўніца геаграфіі і абслуговай працы Начаўскай сярэдняй школы Ляхавіцкага раёна С.М.Чаранкевіч, намеснік дырэктара па вучэбнай рабоце Вялікаматыкальскай сярэдняй школы Брэсцкага раёна Л.І.Шанюк, дырэктар Пагранічнай сярэдняй школы Камянецкага раёна Ж.І.Аўдзей, дырэктар ЦКРНіР “Веда” Брэста А.Я.Зімніцкая, намеснік дырэктара па вучэбнай рабоце сярэдняй школы № 1 Пінска Т.Я.Краўчук, настаўніца рускай мовы і літаратуры Брэсцкага абласнога ліцэя імя П.М.Машэрава Г.М.Макарэвіч і дырэктар Ліноўскай сярэдняй школы Пружанскага раёна А.Л.Макарэвіч. Нагрудны знак “Выдатнік адукацыі Беларусі” атрымалі настаўніца матэматыкі гімназіі № 1 Брэста І.П.Амельянюк, настаўніца рускай мовы і літаратуры гімназіі № 4 Баранавіч А.Б.Марчук, настаўнік працоўнага навучання сярэдняй школы № 16 Пінска А.В.Тарэлкін, загадчыца Кобрынскага раённага вучэбна-метадычнага кабінета Т.І.Петруковіч і дырэктар Стытычаўскай сярэдняй школы Пінскага раёна М.М.Сачкоўскі.

Сяргей ГРЫШКЕВІЧ.


Image1
 
 
 

Конкурсы


"Информатика-2017"

 

"Бобёр-2017"

 

IT-Граница

 

Последние изменения

[13.11.17] Обновлен раздел "Аттестация"

[04.11.17] Обновлен раздел "Управление в образовании"

Новости

13.11.2017
Якасць, кадры, дысцыпліна

На чарговым пасяджэнні калегіі ўпраўлення адукацыі Брэсцкага аблвыканкама разглядаліся пытанні, звязаныя з работай рэгіянальных органаў апекі і папячыцельства, міжведамасным узаемадзеяннем па своечасовым выяўленні і эфектыўнай комплекснай дапамозе дзецям з АПФР, арганізацыяй бяспечнага падвозу выхаванцаў да месцаў вучобы, станам выкладання замежнай мовы ва ўстановах адукацыі вобласці і інш.

подробнее...

13.11.2017
З улікам рэгіянальных сацыякультурных асаблівасцей

На базе ўстаноў адукацыі Брэсцкага раёна прайшоў абласны семінар начальнікаў аддзелаў адукацыі, спорту і турызму рай(гар)выканкамаў, прысвечаны развіццю прыродаадпаведных якасцей асобы дзіцяці ва ўмовах сацыякультурнага асяроддзя рэгіёна. Удзельнікі мерапрыемства пабывалі ў Чэрнінскай, Вістыцкай і Клейнікаўскай сярэдніх школах, Клейнікаўскім яслях-садзе і гісторыка-мемарыяльным музеі “Сядзіба Нямцэвічаў” у Скоках, дзе азнаёміліся з цікавымі напрацоўкамі педагогаў Прыбужжа.

подробнее...

10.11.2017
11 ноября - Международный день энергосбережения

В целях привлечения внимания общественности к рациональному использованию ресурсов и развитию возобновляемых источников энергии Республика Беларусь 11 ноября 2008 г. поддержала и присоединилась к празднованию международного Дня энергосбережения.

подробнее...

04.11.2017
Дзеля паспяховай будучыні выпускнікоў

- Патрабаванні да сучасных выпускнікоў школ павялічваюцца, таму ўстанова адукацыі сёння павінна быць не толькі кузняй ведаў, але і месцам для ўсебаковага развіцця і самавызначэння вучняў, - гаворыць дырэктар Хатыніцкай сярэдняй школы Ганцавіцкага раёна Святлана Уладзіміраўна Перашчук. – Нашы педагогі імкнуцца задаволіць вучэбныя запыты дзяцей, каб кожны выпускнік знайшоў сябе ў пэўнай прафесійнай дзейнасці і быў добра падрыхтаваны да самастойнага жыцця. На жаль, даволі часта вучні выбіраюць прафесію з улікам яе прэстыжнасці ў грамадстве, а не рэальных здольнасцей. Многія бацькі пераацэньваюць магчымасці сваіх дзяцей, робячы іх заложнікамі ўласных амбіцый. Вырашыць гэтую праблему можна з дапамогай правільнай прафарыентацыі, якая з’яўляецца фактарам жыццёвага поспеху чалавека. Вялікую ролю ў такой рабоце адыгрывае сістэмнае ўзаемадзеянне школы, бацькоў і мясцовай супольнасці на прынцыпах сацыяльнага партнёрства і супрацоўніцтва. Наш педкалектыў мае добрыя напрацоўкі ў гэтым напрамку дзейнасці.

подробнее...

03.11.2017
У прыярытэце – работа з высокаматываванымі вучнямі

Інтэлектуальнае развіццё грамадства залежыць ад своечасовага выяўлення высокаматываваных дзяцей і работы з імі. Гэта з’яўляецца сёння адной з важных задач сістэмы адукацыі, закліканай ствараць умовы для самарэалізацыі моладзі. Бацькі лічаць, што сучасная школа павінна не толькі даваць трывалыя веды дзецям, але і выяўляць, раскрываць і развіваць іх здольнасці. Работа з высокаматываванымі вучнямі – адзін з прыярытэтных напрамкаў дзейнасці нашай установы адукацыі.

подробнее...


 

Полезные ссылки:

Министерство образования Республики Беларусь

HitMeter