Наши контакты:
Адрес: г. Брест, ул. Янки Купалы, 20/1
Индекс: 224020
Тел./Факс: 8 (0162) 46-17-87
Тел.: 8 (0162) 46-09-92
E-mail: boiro@brest-region.edu.by
Cхема проезда
Закрыть [X]


Главная | Сервис | Архив новостей


Архив новостей

28.11.2017
Прафарыентацыя з бацькамі дзеля прафесійнага самавызначэння дзяцей


Рэгіянальная сістэма прафарыентацыйнай работы з бацькамі вучняў уключае дыягностыку, кансультаванне, інфармацыйна-асветніцкую дзейнасць і суботнія мерапрыемствы. Сярод іх важную ролю адыгрывае псіхолага-педагагічная дыягностыка. Так, вучням сярэдняга звяна прапаноўваюцца першасныя карты інтарэсаў, якія дазваляюць выявіць пазавучэбныя зацікаўленні, вывучыць індывідуальныя асаблівасці і прафесійныя схільнасці. У рабоце са старшакласнікамі выкарыстоўваюцца методыкі, накіраваныя на вывучэнне асобасных якасцей дзяцей (воля, характар, лідарства, матывацыя і матывы ў жыцці). Вынікі праведзенай дыягностыкі абмяркоўваюцца на гадзінах зносін з педагогам-псіхолагам, бацькоўскіх сходах, індывідуальных і групавых кансультацыях. Пры неабходнасці вучням аказваецца дапамога ва ўсведамленні ўласных інтарэсаў, здольнасцей і схільнасцей.

- Прафарыентацыйнае кансультаванне ўключае непасрэдную дапамогу дзецям і іх бацькам у выбары прафесіі на аснове вывучэння асобы вучняў і даных дыягностыкі, - расказвае К.Ю.Баброўская. – Кансультацыі могуць быць падрыхтоўчымі, завяршальнымі і ўдакладняльнымі. У рамках павышэння прафесійнай кампетэнцыі педагогаў, якія займаюцца дыягностыкай і кансультаваннем ва ўстановах адукацыі, раённы ВМК праводзіць практычныя і навучальныя семінары па вызначэнні аптымальных форм і метадаў работы, павышэнні якасці прафарыентацыі вучняў і іх бацькоў.

Інфармацыйна-асветніцкая дзейнасць з мамамі і татамі накіравана на папаўненне іх педагагічных ведаў па прафесійным самавызначэнні вучняў, умовах паступлення ва ўстановы вышэйшай і прафесійнай адукацыі, а таксама па прагназуемай сітуацыі на рэгіянальным рынку працы. Для гэтага праводзяцца бацькоўскія сходы з удзелам прадстаўнікоў ПТНУ, ССНУ і УВА, кадравай службы, арганізацый і прадпрыемстваў раёна, сустрэчы з супрацоўнікамі райвыканкама і лідарамі грамадскіх арганізацый, сумесныя гасцявыя ўрокі і экскурсіі на прадпрыемствы, выступленні бацькоў перад вучнямі. Акрамя таго, афармляюцца інфармацыйныя стэнды і тэматычныя раздзелы на школьных сайтах, арганізоўваюцца інфармацыйна-асветніцкія акцыі “Новы час – новыя прафесіі”, “Зробім выбар разам!” і “Ад усвядомленага выбару прафесіі да шчаслівай будучыні”, а таксама тэматычныя выставы і прэзентацыі.

- Штогод раённы аддзел адукацыі, спорту і турызму разам з раённым упраўленнем па працы, занятасці і сацыяльнай абароне праводзіць дзень прафарыентацыі “Твой выбар, выпускнік!”, - гаворыць К.Ю.Баброўская. – У мерапрыемстве ўдзельнічаюць школьнікі, іх бацькі і настаўнікі, прадстаўнікі ПТНУ, ССНУ і УВА, кадравай службы, арганізацый і прадпрыемстваў раёна. Выпускнікі і іх бацькі атрымліваюць інфармацыю пра ўступную кампанію, умовы прыёму, перспектывы, далейшае размеркаванне і працаўладкаванне маладых спецыялістаў. Ужо сталі традыцыйнымі месячнікі па прафарыентацыі вучняў, падчас якіх яны наведваюць установы прафесійнай і вышэйшай адукацыі, раённыя святы “Прафесіі нашай сям’і”, выставы тэматычнай літаратуры і відэалекторыі. У Раздзялавіцкай сярэдняй школе дзейнічае кабінет прафарыентацыі, які з’яўляецца арганізацыйна-метадычным, інфармацыйным і кансультацыйным цэнтрам прафарыентацыйнай работы ў раёне. Рэсурсы кабінета шырока выкарыстоўваюцца пры арганізацыі і правядзенні прафарыентацыйных мерапрыемстваў.

На працягу 3 гадоў на Ганцавіччыне рэалізоўваецца праект “Бацькоўская субота”, дзякуючы якому мамы і таты сталі больш актыўна ўдзельнічаць у школьных мерапрыемствах па суботах. У мінулым навучальным годзе ва ўстановах адукацыі раёна адбыліся 289 прафарыентацыйных мерапрыемстваў, у тым ліку з бацькамі – 59. Асаблівую цікавасць у вучняў і іх бацькоў выклікаюць сумесныя творчыя выставы “Шукаем справу па душы” і “Нашы рукі не для суму”, майстар-клас “Толькі гультайства не пахне нічым”, прэзентацыя “Прафесіі маіх бацькоў”, экскурсіі і адкрытыя заняткі аб’яднанняў па інтарэсах.

- Зроблена шмат, але яшчэ ёсць, да чаго імкнуцца. Мы працуем над пашырэннем сеткі бацькоўскіх клубаў, шукаем такія новыя формы выхаваўчай работы, якія павысяць матывацыю выпускнікоў да вяртання на малую радзіму ў якасці маладых спецыялістаў, - падагульняе К.Ю.Баброўская.

Падрыхтаваў Сяргей ГРЫШКЕВІЧ.


Image1
 
 
 

Конкурсы


"Информатика-2017"

 

"Бобёр-2017"

 

IT-Граница

 

Последние изменения

[28.11.17] Обновлен раздел "Управление в образовании"

[13.11.17] Обновлен раздел "Аттестация"

Новости

07.12.2017
Павышаць прафесійную кампетэнтнасць педагогаў у прафарыентацыі вучняў

- Акрамя бацькоў і соцыуму, вялікую ролю ў прафарыентацыйнай рабоце адыгрываюць і педагогі, якія дапамагаюць дзецям, іх мамам і татам правільна і своечасова сарыентавацца ў свеце сучасных прафесій і не памыліцца з выбарам прафесійнай будучыні, - гаворыць загадчыца Ляхавіцкага раённага вучэбна-метадычнага кабінета С.М.Маргаева. – Практыка паказвае, што для таго, каб дапамагчы вучням самавызначыцца ў адукацыйна-прафесійнай сферы, педагогам недастаткова валодаць ведамі, атрыманымі ва УВА. Павышэнне кампетэнтнасці настаўнікаў у галіне прафарыентацыйнай работы са школьнікамі – адзін з важных напрамкаў метадычнай дзейнасці на Ляхавіччыне.

подробнее...

05.12.2017
Дарогай сяброўства

Адразу два кабінеты Канфуцыя адкрыліся ў Брэсце: на базе сярэдняй школы № 28 і дзіцячага сада – пачатковай школы № 1. Гэтыя ўстановы адукацыі сталі першымі ў горадзе, дзе вучні пачалі сістэмна і мэтанакіравана вывучаць кітайскую культуру і мову.

подробнее...

02.12.2017
З фінансамі на “ты”

У горадзе над Бугам падвялі вынікі абласнога этапу Рэспубліканскай алімпіяды па фінансавай дасведчанасці сярод школьнікаў. У спаборніцтве, якое праходзіла на базе Брэсцкага дзяржаўнага абласнога цэнтра маладзёжнай творчасці, удзельнічалі 59 вучняў 10 – 11 класаў. Арганізатарамі алімпіяды выступілі галоўнае ўпраўленне Нацыянальнага банка Беларусі па Брэсцкай вобласці і абласное ўпраўленне адукацыі.

подробнее...

30.12.2017
У інтарэсах педагогаў

У горадзе над Бугам прайшоў ІІІ пленум Брэсцкага абкама прафсаюза работнікаў адукацыі і навукі. У рабоце пленума ўдзельнічалі старшыня Беларускага прафсаюза работнікаў адукацыі і навукі А.А.Бойка, намеснік старшыні Брэсцкага аблвыканкама А.І.Вялічка і начальнік абласнога ўпраўлення адукацыі Ю.М.Прасмыцкі.

подробнее...

28.11.2017
Прафарыентацыя з бацькамі дзеля прафесійнага самавызначэння дзяцей

- Сістэма прафесійнага самавызначэння вучняў, якая да нядаўняга часу існавала ў нашым раёне, дазваляла паспяхова выяўляць і развіваць іх здольнасці, але навукова-тэхнічны прагрэс, пераход да інфармацыйнага грамадства і змены ў сацыяльнай сферы прымусілі перагледзець падыходы ў гэтай рабоце, - гаворыць намеснік начальніка аддзела адукацыі, спорту і турызму Ганцавіцкага райвыканкама К.Ю.Баброўская. – Аналіз адукацыйных патрэб школьнікаў паказаў, што яны хацелі б бачыць навучанне больш асобасна арыентаваным. А для гэтага неабходна якасная інфармацыйна-педагагічная падтрымка, якая заключаецца ў кансалідацыі намаганняў педагогаў, бацькоў вучняў, зацікаўленых ведамстваў, устаноў вышэйшай і прафесійнай адукацыі. У выніку была створана рэгіянальная сістэма прафарыентацыйнай работы, накіраваная на актывізацыю міжведамаснага ўзаемадзеяння і эфектыўнае выкарыстанне патэнцыялу бацькоўскага выхавання. Гэтая сістэма рэалізоўваецца праз інтэграцыю ў адукацыйны працэс інтэрактыўных метадаў сацыялізацыі вучняў. Выкарыстанне інавацыйных метадаў і прыёмаў, здароўезберагальных тэхналогій і ЭСН пашырае ўяўленні дзяцей і іх бацькоў пра сучасны рынак працы, спецыяльнасці, неабходныя ў рэгіёне, і патрабаванні да пэўных прафесій.

подробнее...


 

Полезные ссылки:

Министерство образования Республики Беларусь